‘Como animar personaxes coa Kinect’ con Javier Martín

Onte tivemos nas aulas de galego do IE Cañada Blanch a Javier Martín, un londoner galego de Tui experto en deseño 3D que traballa especialmente en publicidade. Podedes ver o seu traballo na web RunHarry. Nas nosas aulas Javier ensinounos cunha simple Kinect da Xbox e un programa gratuíto que se pode descargar de Internet como facer animación de personaxes. Deste xeito pasaron polas nosas aulas Ironman, a Masa, os Minion, ou o propio Elvis Presley, reproducindo os movementos que facían os alumnos. Que risa!

E velaquí a entrevista que lle fixo Mateo:

 

Imos para Arca (7)

De bichos e demais parentes é o título deste vídeo no que o alumnado de Londres e de Arca nos comenta a súa paixón polos animais. Iso si, as mascotas da cidade non se achegan nin de lonxe á exuberancia de cabalos, gatos, cans, cadelas e galiñas inglesas que forman parte da cotidianeidade de Arca.

Imos para Arca (6)

Videoxogos de “mundo aberto”, youtubers e videobloggers, mais tamén a música, desde a clásica á pop, ocupan o tempo da rapazada de hoxe en día, o mesmo nunha pequena vila galega ca na gran metrólope londinense. Mirade como nolo explican.

Imos para Arca (3)

Claro que hai vida alén do fútbol. Velaquí a incrible e interminable lista de deportes diferentes que practica con gran pericia moita da rapazada de Arca e Londres. Só citalos e comezas a suar. Velaquí o terceiro vídeo desta serie.

Imos para Arca (2)

Fútbol, moito fútbol… O Dépor, o Celta, a carón doutros clubs do mundo enchen o corazón de moitos dos rapaces de Londres e de Arca, pero hai un que vincula especialmente á comunidade galega de Londres: o Deportivo Galicia.  

Imos para Arca (1)

Está a chegar o día da Viaxe da lingua deste curso 2015-2016. Do 3 ao 8 de maio andaremos por Galicia coñecendo lugares novos e enchoupándonos da nosa cultura. Pero ademais imos ter que practicar, e moito, o galego. A primeira parada farémola en Pedrouzo, en Arca. Alí atoparémonos cos rapaces do CPI Camiño de … Ler máis…