Día da poesía con Manuel Antonio

Este mércores é 21 de marzo, comezo da primavera e Día da poesía. O EDLG do CIFP Manuel Antonio de Vigo tivo a marabillosa idea de aproveitar esta efeméride para conmemorar o 90 aniversario da publicación do libro “De catro a catro” do poeta Manuel Antonio.

Unha das actividades que organizaron foi unha lectura colectiva dos 19 poemas do libro, na que colaboraron diferentes centros galegos, nacionais e internacionais, entre eles nós. Velaquí a lista de reprodución de todas as lecturas de todos os centros participantes.

CIFP Manuel Antonio de Vigo (Galicia) | CEG de Granada (Andalucía)  | EOI de Ponferrada (Castela e León)  | CEG de Zadar (Croacia)  |  IE Cañada Blanch de Londres (Reino Unido)  |  IES As Barxas de Moaña (Galicia)  |  CEG de Vitoria (País Vasco)  |  CEG de Budapest (Hungría)  |  CEG de Roma (Italia)  |  CEG de Cork (Irlanda)  |  CEG de Padua (Italia)  |  CEG de Varsovia (Polonia)  |  Ceg de Braga (Portugal)  |  IES Alexandre Bóveda de Vigo (Galicia)  |  IES Álvaro Cunqueiro de Vigo (Galicia)CEG de Estremadura (Estremadura) |  CEE López Navalón de Santiago de Compostela (Galicia)  |  IG Santiago Apóstol de Bos Aires (Argentina)

A nós tocounos ler un dos poemas máis emblemáticos, «Sós». A seleccionada polos organizadores foi a de Marta e Martina, alumnas de 3º ESO.

Claro que fixemos moitas outras propostas, que podedes consultar aquí.

A proxección e coloquio “Cruzar a fronteira” na prensa

A proxección do documental ‘Cruzar a fronteira’ e o posterior coloquio dos seus autores, o alumnado adulto de Noia, co alumnado que estuda galego en Londres no IE Cañada Blanch, tivo o seu eco na prensa:

 

 

Ruta por Portobello co alumnado adulto de Noia

Algúns alumnos de galego de 4º ESO acompañaron á delegación do IES Campo de San Alberto de Noia que veu ao Cañada presentar o documental “Cruzando a fronteira”. Paloma e Marinueva presentáronlles o colexio, Brian faloulles do Portobello galego, Lucía L. e María ensináronlles a Trellick Tower e a Grenfell Tower, Lucía M e José Luis contáronlles as anécdotas do mosaico republicano de Portobello, etc.

Vides de paseo connosco?

 

Presentación de “Cruzando a fronteira” no Cañada

A semana pasada tivemos a sorte de poder asistir no Cañada á presentación do documental “Cruzando a fronteira” no Cañada. Este documental é un dos traballos realizados no marco do proxecto “Faros e estacións. Viaxe a Ítaca” por parte do profesorado e alumnado adulto do IES Campo de San Alberto de Noia. Con este proxecto gañaron o ano pasado do primeiro premio Miguel Hernández para proxectos Erasmus+.

Os nosos novos amigos de Noia e o noso alumnado de galego mantiveron un interesantísimo coloquio sobre a vivencia da emigración por parte de tres xeracións diferentes.

Querémoslles agradecer o seu entusiasmo e bo facer aos profes, Suso Montero, Mariela Dosil e Amalia Pérez, e ao alumnado adulto de Ensinanzas Básicas e da ESA o seu marabilloso traballo: Mercedes García, Josefina Malvárez, Carmen Agraso, Miguel Quan e Agustín Somoza. 💙💙

O IE Cañada Blanch na despedida do Pergamiño Vindel de Galicia

O vídeo no que o alumnado de galego do IE Cañada Blanch recita a Martín Códax en galego e en inglés -feito en colaboración coa Xunta de Galicia e con outros centros de estudos galegos do exterior, como explicamos aquí– formou parte onte dos actos de despedida do Pergamiño Vindel de Vigo. Á prensa non lle pasou desapercibido:

Participamos na campaña da Xunta para despedir o Pergamiño Vindel

Por iniciativa das secretarías xerais de Política Lingüística e de Cultura, os centros de estudo do galego no exterior póñenlle o ramo á programación conmemorativa da estadía do Pergamiño Vindel no Museo do Mar de Galicia con esta peza audiovisual na que o alumnado de galego recita as cantigas de Martín Códax en galego e na súa propia, no noso caso o inglés. O Instituto Español Cañada Blanch de Londres colaborou neste recitados co CEG de Budapest, CEG de Cork, CEG de Deusto, CEG de Kiel, CEG de Roma, CEG de Río de Xaneiro, CEG de Vitoria e CEG de Barcelona.

Ler máis…Participamos na campaña da Xunta para despedir o Pergamiño Vindel

Presentación de “Crossing borders” no Cañada

O luns recibiremos no Cañada a unha delegación do IES Campo de San Alberto de Noia que presentarán o documental “Cruzando a fronteira”.  Este documental narra as experiencias que o alumnado de educación de adultos do centro, os seus familiares ou coñecidos tiveron na súa etapa como emigrantes. Visítannos cinco destes alumnos da educación adulta e mais os seus profesores Jesús Montero e Mariela Dosil, que tras a proxección do documental manterán un coloquio co alumnado de galego.

Este documental foi feito polo alumnado adulto do instituto no marco dun proxecto Erasmus + no que tamén colaboraron catro institucións de Croacia, Eslovenia, Grecia e Portugal. Este proxecto, “Faros e Estacións, Viaxe a Ítaca“, gañou o Primeiro Premio Miguel Hernández do 2017,

Ler máis…Presentación de “Crossing borders” no Cañada