Nas clases extraescolares de Galego tamén traballamos valores. Velaquí os pequerrechos preparando o seu mural para o Día da Paz.
Cada un expresou os seus desexos de paz, respecto, amor, oportunidades, educación, alimentación.
Mes: Xaneiro 2019
Concerto de Xabier Díaz no Cañada
Hoxe tivemos un convidado de excepción no Cañada Blanch: Xabier Díaz encheu a biblioteca da nosa escola de notas con arrecendo á terra galega. Faloulles aos rapaces da música tradicional galega e tamén do seu percorrido como músico, de como atopou o seu camiño. Falounos de gaitas, de pandeiretas e de adufes; interpretou muiñeiras, xotas e pasodobres, e cantou coa nosa rapazada unha peza do seu disco Noró, o «Maneo de Vilaño». O alumnado de galego atreveuse tamén cunha cantiga tradicional, «Túa nai é meiga».
E aquí Suso, que amais de profe de Matemáticas é un namorado da nosa música tradicional, acompañando a Xabier no canto e na pandeireta.
Mañá varios profesores do cole asistiremos ao concerto que dá no Rich Mix London xunto coas Adufeiras de Salitre, onde é seguro que atoparemos a boa parte da comunidade galega da cidade. Que luxo volvelo atopar!
Preparámonos para o concerto de Xabier Díaz no Cañada
Un dos pandeireteiros máis grandes de Galicia, Xabier Díaz, vai visitar o Cañada Blanch. O alumnado de galego está a preparar varias sorpresas. Velaquí ensaiando o “Maneo de Vilaño”.
