A enxeñería médica en Londres tamén fala galego

Mañá ás 12 da mañá o alumnado de 3ESO recibirá a Pilar García Souto. Ordense, formada na Facultade de Física de Compostela, investiga e exerce a docencia no departamento de Enxeñería Médica na Universidade Queen Mary de Londres. Falaranos das súas investigacións centradas en sistemas que detectan se a xente esta cómoda ou non co seu ambiente, pensado isto para avións, oficinas… de modo que pode adaptar a temperatura as necesidades de cada un en cada momento; e tamén nos presentará un pequeno sistema para identificar rapaciños con febre sen ter que estar a medir todo o tempo. Sen dúbida, outro luxo poder contar cunha investigadora deste calibre connosco.

Deixa un comentario

*