Un 12 outubro diverso e plural no Cañada

Como cada ano, no Cañada celebramos a festa do 12 de outubro e aproveitamos para que o alumnado teña un coñecemento máis amplo de España. Este ano foi unha homenaxe á diversidade. O alumnado participou en múltiples actividades, e igual bailou un bolero mallorquín ca unha muiñeira. Velaquí unha mostra do obradoiro para o alumnado da ESO que lle deu Suso na carpa do patio. Agora xa saben facer un punto, un paseo e unha roda.

O transporte dos desexos, na prensa

O proxecto “Transporte dos desexos”, impulsado pola xornalista Alejandra Plaza, está a ter repercusión tamén na prensa.

Pero sobre todo, para os rapaces de Primaria de Galego o máis fermoso foi saber que os nenos dos hospitais recibiron os nosos corazóns e desexos con tanta emoción ❤️

Videoconferencia con Arteixo 2019

Nas aulas de galego do Cañada cada ano facemos polo menos unha actividade cos nosos amigos do IES Manuel Murguía de Arteixo, en colaboración con Ramón Echeverri -o coordinador do seu EDNL- e o seu alumnado: no 2016 entrevistáronnos en vídeo, carteámonos con eles no 2017 e tamén falamos por videoconferencia no 2018.

Este ano conversamos por videoconferencia o alumnado de galego de 4º ESO do Cañada e do Manuel Murguía. Falamos de nós mesmos, dos nosos intereses e futuro nos estudos e no traballo, das festas e de diversión, e ata do Brexit. Así nolo contan eles no seu blog Fala de Raio. Ata o ano que vén, amigos!

A viaxe dos desexos

Os pequenos da extraescolar de galego para Primaria do Cañada Blanch participan nun novo proxecto, iniciativa da xornalista e escritora Alejandra Plaza, coa que é un pracer colaborar.

Nesta ocasión seremos un dos elos da viaxe dos desexos para nenos enfermos que sofren ingresos hospitalarios. Mandámoslles desde Londres moitos bicos, apertas e un lote de bos desexos en forma de corazón, medusa, pomba… 💕

 

Cantamos 🎶 ‘Portobello Road’🎶 co alumnado do Xulián Magariños

Os amigos do IES Xulián Magariños de Negreira non faltaron á nosa cita anual polo Día das Letras Galegas. Xa van sete!

Acompañados polos profesores Amancio Liñares e Clara Rodríguez, agora a directora do centro, conviviron con parte do noso alumnado de galego. Tras escoitar unha charla de Amancio Liñares sobre o escritor homenaxeado este ano, Antón Fraguas, e un pequeno recital de coplas populares, o alumnado de 3º ESO dos dous institutos participou nunha divertida xincana polas rúas de Portobello.

Velaquí a varios cantando diante das Arcades das antigüidades un anaco da nosa versión galega da canción  canción ‘Portobello Road’ da película de Disney Bedknobs and Broomsticks (en España, La bruja novata) .

Portobello road, Portobello road
Onde se vende e se merca ata o sol
o que queira desfacerse de algo que usou
que veña vendelo a Portobello Road.
A súa grande ocasión está en Portobello road.

 

Versos galegos para celebrar o Día do Libro

Onte o alumnado do Cañada presenciou un marabilloso recital literario no salón de actos do noso instituto, con fantásticas lecturas e interpretacións en castelán, francés, inglés e, por suposto, galego.

Xela, de 1ºBAC, presentou os distintos textos que recitou o alumnado de galego. Velaquí algunhas mostras:

Making Art Happen – Eu en 10 anos

A nosa segunda cita con Making Art Happen levou ás nosas aulas de galego á fotógrafa Cristina Calvo, que nos propuxo o seguinte xogo:

Como vou ser #Euen10anos?

En menos dunha hora os rapaces tiveron que argallar como poderían representar unha autoimaxe 📷  do seu futuro, e a partir de aí facer unha análise 📹  de cales son as súas fortalezas e debilidades para acadar ese soño. Velaquí unha lista de reprodución con tódolos traballos.

#8marzo | Rosalía, punta de lanza do feminismo

Hoxe Rosalía de Castro entrou nas aulas do Cañada xunto a outras mulleres sobranceiras da historia 👩‍🚀  👩‍🎨  🏄‍♀️  👩‍🚒  🤹‍♀️  👩‍🔧  👩‍🎓  🤸‍♀️  🚴‍♀️
Xela interpretou a esta punta de lanza do galeguismo 🛰️ e do feminismo ♀️⁠ ⁠e presentouna ante o alumnado do cole.
Esta iniciativa do Grupo de Voluntariado da Biblioteca 👏 foi sen dúbida unha das máis fermosas para celebrarmos este 8 de marzo, Día Internacional da Muller 💜✊

 

 

Día de Rosalía 2019

Os cativos que estudan galego no grupo dos máis pequenos da extraescolar de Primaria fan esta versión propia do “Adiós ríos, adiós fontes” de Rosalía e titúlana “Adeus inverno, ola Londres”.

 

 

Día da poesía con Manuel Antonio

Este mércores é 21 de marzo, comezo da primavera e Día da poesía. O EDLG do CIFP Manuel Antonio de Vigo tivo a marabillosa idea de aproveitar esta efeméride para conmemorar o 90 aniversario da publicación do libro “De catro a catro” do poeta Manuel Antonio.

Unha das actividades que organizaron foi unha lectura colectiva dos 19 poemas do libro, na que colaboraron diferentes centros galegos, nacionais e internacionais, entre eles nós. Velaquí a lista de reprodución de todas as lecturas de todos os centros participantes.

CIFP Manuel Antonio de Vigo (Galicia) | CEG de Granada (Andalucía)  | EOI de Ponferrada (Castela e León)  | CEG de Zadar (Croacia)  |  IE Cañada Blanch de Londres (Reino Unido)  |  IES As Barxas de Moaña (Galicia)  |  CEG de Vitoria (País Vasco)  |  CEG de Budapest (Hungría)  |  CEG de Roma (Italia)  |  CEG de Cork (Irlanda)  |  CEG de Padua (Italia)  |  CEG de Varsovia (Polonia)  |  Ceg de Braga (Portugal)  |  IES Alexandre Bóveda de Vigo (Galicia)  |  IES Álvaro Cunqueiro de Vigo (Galicia)CEG de Estremadura (Estremadura) |  CEE López Navalón de Santiago de Compostela (Galicia)  |  IG Santiago Apóstol de Bos Aires (Argentina)

A nós tocounos ler un dos poemas máis emblemáticos, «Sós». A seleccionada polos organizadores foi a de Marta e Martina, alumnas de 3º ESO.

Claro que fixemos moitas outras propostas, que podedes consultar aquí.

O IE Cañada Blanch na despedida do Pergamiño Vindel de Galicia

O vídeo no que o alumnado de galego do IE Cañada Blanch recita a Martín Códax en galego e en inglés -feito en colaboración coa Xunta de Galicia e con outros centros de estudos galegos do exterior, como explicamos aquí– formou parte onte dos actos de despedida do Pergamiño Vindel de Vigo. Á prensa non lle pasou desapercibido:

Participamos na campaña da Xunta para despedir o Pergamiño Vindel

Por iniciativa das secretarías xerais de Política Lingüística e de Cultura, os centros de estudo do galego no exterior póñenlle o ramo á programación conmemorativa da estadía do Pergamiño Vindel no Museo do Mar de Galicia con esta peza audiovisual na que o alumnado de galego recita as cantigas de Martín Códax en galego e na súa propia, no noso caso o inglés. O Instituto Español Cañada Blanch de Londres colaborou neste recitados co CEG de Budapest, CEG de Cork, CEG de Deusto, CEG de Kiel, CEG de Roma, CEG de Río de Xaneiro, CEG de Vitoria e CEG de Barcelona.

Ler máis…Participamos na campaña da Xunta para despedir o Pergamiño Vindel

“O son do ar” polo noso alumnado do Cañada

O pasado luns visitounos no Cañada Blanch parte da banda de Luar na Lubre, que está de xira polo Reino Unido.  E o noso alumnado recibiunos interpretando a súa peza máis coñecida e internacional, “O son do ar”.

Paloma no piano, Camila co violín, Lucía Moya coa trompa, Jack coa trompeta, Martina, Cinzia e Marinueva coa guitarra e Elisa co ukelele participaron neste fermoso acto con Bieito Romero, Patxi Bermúdez e David Carril. 😍

Ler máis…“O son do ar” polo noso alumnado do Cañada

O 12 de outubro fálase galego

Ler máis…O 12 de outubro fálase galego