O 12 de outubro fálase galego

Hoxe no Cañada Blanch de Londres celebramos a festividade do 12 de outubro. O lema que guía os departamentos de linguas do instituto é “España exporta linguas”. Neste contexto, quixemos que se amosase tamén a presenza do galego fóra da nosa terra, ben pola expansión da lusofonía ou ben pola presenza de amplas comunidades galegas por mor da emigración ou do exilio.

Representamos a presenza da lingua en Londres amosando a vitalidade da comunidade galega na cidade, as súas asociacións, equipos,

Ler máis…

Hoxe, visita da Coruña

Hoxe recibimos no Cañada a 50 rapaces dos institutos coruñeses de Adormideiras, Neira Vilas, María Casares, Salvador de Madariaga e Rafael Dieste que participan no English Club dirixido polo amigo Ramón Casas Iglesias.

A moitos deles coñecémolos hoxe, así que para

Ler máis…

A nosa celebración das Letras Galegas na prensa

O xornal España Exterior e La Voz de Galicia fixéronse eco da celebración conxunta do Día das Letras Galegas que fixemos no IE Cañada Blanch xunto co alumnado do IES Xulián Magariños de Negreira. No España Exterior glósana polo miúdo. En La Voz de Galicia cóntannos tamén a celebración dunha homenaxe a Carlos Casares por parte dos Galegos Morriñentos de Londres, mais reservan un espazo para o Cañada ao final do artigo.

España Exterior (24/05/2017): Alumnos del IES de Negreira celebran el Día das Letras Galegas en el colegio Cañada Blanch de Londres (aquí en pdf).

La Voz de Galicia (22/05/2017):  Londres rinde homenaje a Carlos Casares.

A irmandade con Arteixo

A nosa amizade co IES Manuel Murguía xa comezou o ano pasado, en que a rapazada de Arteixo entrevistou neste vídeo a algúns dos nosos alumnos de galego de 3º ESO. Este ano foron os nosos rapaces de 1º ESO os que entraron en contacto por correspondencia cos do IE Manuel Murguía, e a resposta … Ler máis…

Os premiados do Certame Literario en lingua galega

O pasado 23 de abril celebrouse o Día do Libro e coma sempre arredor desas datas organízase a gala de entrega de premios do Certame Literario IE Cañada Blanch que cada ano  premia os mellores textos escritos polo alumnado en cada unha das linguas do instituto. Este ano houbo un gran nivel nos textos gañadores … Ler máis…

‘O IE Cañada Blanch é moi singular’ (curta de animación)

O obradoiro de stop motion realizado co artista Borja Santomé levounos a preparar unha curta sobre o noso instituto, o IE Cañada Blanch de Londres, na que plasmamos as clases de galego, o noso patio, o parque para os pequenos, os rapaces facendo deporte e cantando… O alumnado de galego de 2º, 3º e 4º ESO realizou os decorados e as figuras, puxo as voces e mesmo cantou. Ademais Sahara, unha artistaza da clase de 2º, pintou o convento.

O IE Cañada Blanch é moi singular; unha escola familiar na que alumnos e profes somos moi felices e na que se respira a pluralidade e o multilingüismo. Así o quixemos amosar neste 🎉 25 aniversario dos estudos de galego en Londres. 🎉

 

Coñecemos Galicia: Sir John Moore

A relación da Coruña con Inglaterra non nos deixa de sorprender. Nesta ocasión a rapazada do IES de Adormideiras preguntounos por outro protagonista importante da historia de Galicia, do que nos falan aquí Eduardo, Andrea e Aisha. Sabedes quen está enterrado no Xardín de San Carlos? E no cemiterio dos ingleses? A que xeneral inglés lle dedicou Rosalía de Castro un poema? Velaquí o que aprendemos investigando sobre Sir John Moore.

Coñecemos Galicia: María Pita

Que se sabemos quen é María Pita? A nova pregunta dos rapaces do IES de Adormideira sobre cultura galega ten que ver con esta heroína da cidade da Coruña. Estivemos a investigar e vimos que ten moita relación con Inglaterra, como nos explican Ella, Issy, Alex e Eduardo. Cando vaiamos á Coruña, xa sabemos o que podemos atopar na praza do Concello. Quen teña honra que nos siga!

Coñecemos Galicia: a torre de Hércules

Pregúntannos os rapaces do IES de Adormideiras que se coñecemos a torre de Hércules. Pois si. Algúns xa a vimos e outros non, pero todos nos informamos sobre este faro romano e sobre as lendas da súa construción. Aquí cóntanvolo Diego, Aitor, Adrián e Gabriel. Temos ganas xa de ir ao campo da torre a correr ao lado do mar e a ver a rosa dos ventos e a estatua de Breogán.
Cadraranos na viaxe a Galicia deste curso?