Área de Galego do IE Cañada Blanch de Londres
A relación da Coruña con Inglaterra non nos deixa de sorprender. Nesta ocasión a rapazada do IES de Adormideiras preguntounos por outro protagonista importante da historia de Galicia, do que nos falan aquí Eduardo, Andrea e Aisha. Sabedes quen está enterrado no Xardín de San Carlos? E no cemiterio dos ingleses? A que xeneral inglés lle dedicou Rosalía de Castro un poema? Velaquí o que aprendemos investigando sobre Sir John Moore.
Visitar as xogueterías de Londres convértenos a todos de novo nun pouco nenos. Elarise e Sienna, dúas alumnas de galego de 4º ESO, cóntannos o que podemos atopar e visitan algunhas das máis singulares.
Que se sabemos quen é María Pita? A nova pregunta dos rapaces do IES de Adormideira sobre cultura galega ten que ver con esta heroína da cidade da Coruña. Estivemos a investigar e vimos que ten moita relación con Inglaterra, como nos explican Ella, Issy, Alex e Eduardo. Cando vaiamos á Coruña, xa sabemos o que podemos atopar na praza do Concello. Quen teña honra que nos siga!
Pregúntannos os rapaces do IES de Adormideiras que se coñecemos a torre de Hércules. Pois si. Algúns xa a vimos e outros non, pero todos nos informamos sobre este faro romano e sobre as lendas da súa construción. Aquí cóntanvolo Diego, Aitor, Adrián e Gabriel. Temos ganas xa de ir ao campo da torre a correr ao lado do mar e a ver a rosa dos ventos e a estatua de Breogán.
Cadraranos na viaxe a Galicia deste curso?
Brian, Marinueva e Elisa, alumnos de galego de 3º ESO recoméndanvos a todos os que queirades vir visitar a cidade un dos hits de Londres, os seus museos, a maioría deles gratuítos.
Os rapaces do IES de Adormideiras cos que facemos o intercambio lingüístico fannos unha nova pregunta sobre a cultura galega. Hai algunhas cousas das cidades e monumentos galegos que xa coñecemos e outras aproveitamos para investigalas.
Velaquí o que aprendeu o alumnado de galego de 1ºESO sobre a catedral de Santiago. Cóntannolo Alba, Alfred, Kiara e Laura.
Eloy, Samu e Dani quérenvos alertar. Vides botar uns días a Londres? Pois non deixedes de facer un dos principais itinerarios a pé da cidade, o paseo polo Southbank, desde a ponte de Westminster ata a Torre de Londres. Son moitos os descubrimentos que faredes polo camiño: Drake, Shakespeare, Norman Foster… Ata aquí podemos ler!
Conxugar ciencia, aprendizaxe e tecnoloxía en galego. Iso é o que fixeron catro alumnos do IE Cañada Blanch de Londres este martes 28, participando nunha innovadora experiencia educativa promovida polo IES do Castro de Vigo que consiste en
Ler máis…Aprender por instagram no Museo de Historia Natural
No proxecto de intercambio lingüístico cos rapaces do IES Adormideiras da Coruña, fixéronnos varias preguntas relativas á cultura galega.
A primeira pregunta era ben sinxela, así que aproveitamos que estamos a finais de febreiro para amosarlles como vivimos as nosas festas: viva o Entroido!
E dámoslles as particulares grazas a Diego e a Keti, por agasallarnos hoxe con filloas, orellas e roscos.
Paloma e Juanes, alumnos de galego de 3º ESO, recoméndanvos os hits de Londres: non podedes marchar da cidade sen unha foto aquí. Velaquí os seus 10 must see!
En dúas semanas recibimos en Londres aos nosos amigos do CPI Camiño de Santiago de Arca, así que o alumnado de 3º e 4º da ESO estivo a preparar uns vídeos cunhas suxestións do que non deben perder na cidade. O noso cole está en Portobello, así que o noso barrio ben merece unha visita. Preparados para unha visita con Lucas, Andrea e Ánxeles?
No Cañada Blanch querémonos sumar ás accións que os centros de ensino galegos están a realizar esta semana para conmemorar un ano máis o Día de Rosalía de Castro,
Hoxe fixemos un skype cos nosos amigos do IES de Adormideiras. O alumnado de 3º e 4º da ESO de Galego en Londres practicou así o seu galego, e a rapazada da Coruña puido empregar o seu inglés e escoitalo da boca dos nosos. En xuño sempre visitan Londres, así que agardámolos por aquí pronto. Mentres, seguiremos a argallar actividades con eles.
Este ano comezamos un ilusionante proxecto de intercambio lingüístico con rapaces do IES Adormideras da Coruña. Eles, xunto co seu profesor Ramón Iglesias, vannos propoñer retos en galego e en inglés, e viceversa. Nós estaremos do outro lado do correo, da web e do Skype para responder e propoñer.
Querédesnos coñecer? Comezamos o post cun vídeo no que o alumnado de 1º ESO do IE Cañada Blanch se presenta. (Fáltanos Eduardo, pero seguro que vos saúda outro día!).
E tamén queremos saber dos nosos amigos, así que témoslles preparadas unhas preguntiñas.
Algúns dos cativos de 3º, 4º e 5º de Primaria, que asisten a clases de galego como extraescolar, tamén quixeron facer o seu particular mannequin challenge, así que andaron a buscar material e chegaron á clase cun mapa de Galicia, o texto do himno, láminas de vocabulario, cómics dos Bolechas e de Asterix, unha pandeireta e ata unha camiseta de ‘E logo!’. Ganas non lles faltaban 🙂
O alumnado de galego de 2º ESO está fortemente concienciado na mensaxe que hoxe, 25 de novembro, queremos transmitir. Non queremos máis violencia de xénero, non queremos máis sumisión, máis gaiolas, teitos, cadeas nin fíos invisibles que sometan as mulleres. A idea e os debuxos da campaña son obra de Sahara.
Galego en Londres participa na nova moda viral de Internet: o reto do manequín, o #mannequin challenge.
Fixemos dúas versións: unha é do alumnado de 1º ESO e outra do de 3º e 4º ESO. Esta é a de 3º e 4º ESO.
Cal vos gusta máis?
Galego en Londres participa na nova moda viral de Internet: o reto do manequín, o #mannequin challenge.
Fixemos dúas versións: unha é do alumnado de 1º ESO e outra do de 3º e 4º ESO. Esta é a de 1º ESO.
Cal vos gusta máis?
“Polo San Martiño, trompos ao camiño. Polo San Amaro, trompos ao faiado”. No Cañada esta semana estamos a achegarnos a un dos xogos tradicionais dos galegos no outono: o trompo ou peón. Tocámoslle a barriga, o pirucho, o ferrón e a piola e puxémonos a bailalo. Moitos intentábano por primeira vez, pero como vedes o resultado foi magnífico!!
Esta semana recibimos no IE Cañada Blanch a fermosa boina artesá elaborada por Sandra Vilas en recompensa polo premio de fotografía Boina da simpatía que gañamos o curso pasado, convocado polo Clube da Lingua do IES Marco do Camballón.
Esta última foi unha semana de visitas.
Un día tivemos a sorte de contar cunha chea de rapaces procedentes de dous institutos da Coruña e de Oleiros, que viñeron
Un ano máis, un grupiño de alumnos de 2º ESO que estudan galego no IE Cañada Blanch de Londres e outro do IES Félix Muriel de Rianxo que colaboran co seu Ednl fixeron unha conexión por videoconferencia para se coñeceren e falaren dos seus intereses. Repasamos os mellores lugares e lembranzas de Galicia e de Londres, intercambiamos gustos e … Ler máis…
O alumnado do IES Manuel Murguía entrou recentemente en contacto connosco para propoñernos unha entrevista audiovisual. Como produto velaquí o vídeo con preguntas
Ler máis…Entrevístanos o alumnado do IES Manuel Murguía de Arteixo
Comezamos a semana logo do half term cunha boísima nova: un novo premio para
Este ano celebramos o Día das Letras Galegas cun acto moi especial do que tiveron moita culpa os rapaces do instituto Xulián Magariños de Negreira. Algúns visitáronnos este 17 de maio aproveitando a viaxe
Ler máis…Letras Galegas 2016: un 17 de maio cos amigos do Xulián Magariños de Negreira
Achégase o Día das Letras Galegas e un grupo de alumnos de galego do IE Cañada Blanch quixeron facerlle unha homenaxe moi especial a Manuel María adaptando o seu ‘Bando do alcalde‘, un dos seus poemas máis reivindicativos, aos tempos modernos. Velaquí o noso ‘Bando da clase‘.
De bichos e demais parentes é o título deste vídeo no que o alumnado de Londres e de Arca nos comenta a súa paixón polos animais. Iso si, as mascotas da cidade non se achegan nin de lonxe á exuberancia de cabalos, gatos, cans, cadelas e galiñas inglesas que forman parte da cotidianeidade de Arca.
Videoxogos de “mundo aberto”, youtubers e videobloggers, mais tamén a música, desde a clásica á pop, ocupan o tempo da rapazada de hoxe en día, o mesmo nunha pequena vila galega ca na gran metrólope londinense. Mirade como nolo explican.
Sabemos cantar e tocar, sabemos bailar, gústanos pintar e buscar o encadre perfecto nas nosas fotos. Velaquí cho contamos.
Libros, películas, viaxes soñadas… Achegádevos aos intereses da mocidade de Arca e Londres a través deste vídeo no que falan dos seus gustos e fantasías.
Claro que hai vida alén do fútbol. Velaquí a incrible e interminable lista de deportes diferentes que practica con gran pericia moita da rapazada de Arca e Londres. Só citalos e comezas a suar. Velaquí o terceiro vídeo desta serie.
Fútbol, moito fútbol… O Dépor, o Celta, a carón doutros clubs do mundo enchen o corazón de moitos dos rapaces de Londres e de Arca, pero hai un que vincula especialmente á comunidade galega de Londres: o Deportivo Galicia.
Está a chegar o día da Viaxe da lingua deste curso 2015-2016. Do 3 ao 8 de maio andaremos por Galicia coñecendo lugares novos e enchoupándonos da nosa cultura. Pero ademais imos ter que practicar, e moito, o galego. A primeira parada farémola en Pedrouzo, en Arca. Alí atoparémonos cos rapaces do CPI Camiño de … Ler máis…
Como sabedes, participamos no Proxecto das Letras Galegas 2016 a través da plataforma eTwinning que impulsa o IES San Clemente de Santiago. Unha vez completada a primeira tarefa de achegamento aos nosos socios, unha das actividades que nos propuxeron foi contribuír á elaboración dun padlet colaborativo no que se visen as instalacións da nosa escola … Ler máis…
No IE Cañada Blanch vimos de recibir con grande alegría a nova de que recibimos un dos premios no concurso de fotografía Boina de Ouro. Trátase dunha actividade creada polo Clube da Lingua do IES Marco do Camballón de Vila de Cruces para promover o uso da boina como accesorio de moda vangardista e revitalizar e modernizar as nosas … Ler máis…
Hoxe é o Día Mundial da Poesía e comeza a primavera. Entre os poemas realizados polo alumnado de galego do IE Cañada Blanch destaca, polo cariño que hai detrás, esta elexía á súa avoa escrita por Diegos Ramos Suárez, de 6º de Primaria. “Moitos anos han de pasar para que dela me poida olvidar”. A … Ler máis…
Estamos orgullosos do noso, aínda que vivamos en Londres, así que fixemos fotos, moitas fotos, como os nosos bisavós levaban a boina, altamente e sempre na cabeza, como diría Raúl Gómez Pato. Con elas queremos participar na marabillosa iniciativa do Clube da Lingua do IES Marco do Camballón de Vila de Cruces, o concurso Boina de Ouro, … Ler máis…
Este ano a Área de Galego do IE Cañada Blanch colabora no Proxecto das Letras Galegas 2016 que impulsa o IES San Clemente de Santiago. Trátase dun proxecto colaborativo a nivel europeo que utiliza a plataforma eTwinning para dar a coñecer a lingua galega e os seus escritores. Vai xa pola súa sexta edición e, como é lóxico, … Ler máis…
Algúns alumnos de galego do IE Cañada Blanch estiveron a ler os relatos de Vento e chuvia, esa recreación dunha mitoloxía galega de orixe castrexa que xurdiu da pluma de Manuel Gago. Alentados pola curiosidade, contactaron co autor para saberen máis sobre a cultura castrexa e as nosas orixes, e mais para indagaren no proceso … Ler máis…
Na área de galego do IE Cañada Blanch sumámonos á campaña “Mobiliza Rosalía”, unha proposta da AELG para celebrar o Día de Rosalía de Castro nos centros de ensino. Os pequechos ademais pintaron a postal deseñada por Pepe Barro para conmemorar o 24 de febreiro e recitaron un anaco da “Meniña gaiteira”.
Os cativos que estudan galego na extraescolar de Primaria no IE Cañada Blanch quixeron celebrar tamén o Día dos Namorados. Logo dun intenso traballo de papiroflexia para realizar cadanseu corazón de papel, narraron e decoraron por cachiños o fermoso conto ‘Uf!’ de Séchu Sende, e aprenderon e repetiron unha palabra ben fermosa: Quérote.
Esta semana os cativos da clase extraescolar de galego de Primaria estiveron enredando cunha aplicación online para facer tiras cómicas. Velaquí algúns dos resultados: Cómic de Adrián Cómic de Aine Cómic de Aisha Cómic de Dani Cómic de Pharrell Cómic de Bouthaina e de Jasmin Cómic de Juan
No seu paso polas aulas de galego do IE Cañada Blanch, o actor Carlos Blanco fixo un fermoso alegato contra o machismo e a violencia de xénero. Pero tamén falou da necesidade da liberación masculina e de como irse desprendendo dos roles e estereotipos aos que os homes están atados. Hoxe, 25 de novembro, celébrase o Día … Ler máis…
E xa en xullo de 2015 presentámosvos a modo de memoria este vídeo-resumo das actividades que levamos a cabo dende a Área de Galego do IE Vicente Cañada Blanch de Londres. Foron máis de 50 e todas posibles grazas ao compromiso, xenerosidade e altruismo de tantas galegas e galegos que quixeron compartir os seus saberes … Ler máis…
Unha das últimas actividades deste curso é este pequeno vídeo no que o alumnado de 1º e 2ºESO de galego en Londres expresan os seus desexos galegos para o verán.
No IE Cañada Blanch temos unha horta na que cultivamos de todo. Hoxe estivemos poñéndolle nome ás nosas hortalizas e legumes. Aquí vos deixamos un vídeo no que amais dúas alumnas vos farán de guías.
Velaquí vos deixamos un pequeno vídeo elaborado polo alumnado máis pequecho da área de galego que se achegou hoxe a esta actividade extraescolar no IE Cañada Blanch de Londres. Sen dúbida, son moi grandes.
Hoxe na clase de galego de 1ESO porque unha das alumnas non só nos agasalla coa súa receita da Torta de Santiago senón que nola fai e comémola entre todos. Estaba boísima. Así que facédelle caso.
Escoita (mínimo ata o m. 10) esta entrevista que lle fan nunha televisión local á cantante Uxía e logo responde as seguintes preguntas: E agora responde e envíamo ao final co teu nome e curso: Cargando…
Aproveitando o agasallo que Uxía nos fixo do CD Xiqui Xoque Fiú Fiú de María Fumaça, cuxo proxecto comandou a artista de Mos, o alumnado de galego de 1ºESO preparou esta canción con coreografía incluída. Un pequeno agasallo.