Conexión Cañada

Danza moderna no Cañada: «Emigrantas»

💃🕺 Hoxe o alumnado de galego do Cañada tivo hoxe a oportunidade de asistir á función de danza Emigrantas, unha coprodución de Kirenia Danza e do Centro Coreográfico Galego.

🧳 A peza Emigrantas representa en escena a última ola migratoria debida á crise. Na pasada década, 47.105 persoas de entre 20 e 39 anos abandonaron Galicia buscando contextos laborais máis favorables. Nesta peza báilanse datos, estatísticas, vivencias, intuicións e posibilidades realicionadas sobre a emigración e o retorno da última diáspora galega.

🥿 O alumnado conectou coa danza contemporánea cos bailaríns David Loira e Esther Latorre
🗣️ O coloquio coa coreógrafa Kirenia Martínez e con Branca Novoneyra foi moi participativo.
✍️ O alumnado mapeou o espazo escénico trala función, escribindo en post-its palabras de movementos, obxectos, accións e intres sorprendentes que viron ou escoitaron durante a representación. Para pechar escoitamos distintas lecturas das Emigrantas coas palabras nos post-its, tan distintas como nós.
💜 Grazas a todos os que participastes por pensardes en Galego en Londres.

Portosanto, o enigma de Colón: Encontro con Rodrigo Costoya

Hoxe recibimos no Cañada o escritor Rodrigo Costoya, que nos falou do enigma histórico arredor do que xira a súa novela “Portosanto“.

🧐  Por que os textos que escribiu Cristovo Colón teñen claros xiros galego-portugueses e nunca xenoveses ou italianos? 🧐  Por que Pontevedra é o único lugar do mundo onde existe o apelido Colón? 🧐  Por que na nosa tradición oral se sostén que o descubridor de América nacera en Portosanto? 🧐  Por que Colón lle puxo a moitos lugares das Antillas nomes da ría de Pontevedra? 🧐  Por que orixinariamente a nao Santa María se coñecía co nome de La Gallega? 🤔 A ver se é que Colón era galego!

Sexa certo ou non, o certo é que pasamos un bo anaco escoitando as historias que nos contou Rodrigo e conversando con el, e espertounos ganas de ler a súa novela.

+ Máis posts