Chega o Entroido!

Como anticipo das actividades programadas para celebrar o Entroido, o alumnado de galego do Cañada participou nun obradoiro de filloas. Desde elaborar o amoado, ata facer cadaquén a súa propia filloa… sen esquecer os risos, as cantigas e a creatividade á hora de adornar as súas elaboracións antes de comelas. Parabéns e a gozar do … Ler máis…

Saúdo do alumnado das Revoltas de Cabana

A finais do curso pasado os alumnos de Primaria do Cañada que estudan galego como actividade extraescolar, participaron e foron pioneiros nun fermoso proxecto, o Transporte dos desexos: puxemos os nosos mellores desexos sobre un corazón, medusa, pomba… (mirade aquí) e mandámosllelos a nenos enfermos con longos ingresos hospitalarios (mirade aquí), que os recibiron con emoción, como constatou a prensa (21Noticias.com; Crónicas de la emigración).

Agora a súa impulsora, a escritora Alejandra Plaza, vén de recompilar un álbum deste proxecto e foino presentar a Cabana de Bergantiños. Desde alí o alumnado do CPI As Revoltas, pioneiros a canda nós desta iniciativa, mándannos voando un saúdo a Londres. E nós querémolos saudar tamén desde aquí. Bicos a moreas desde Londres, amigos 💛💚💙💜💗

Aquí tedes o álbum completo.