Un hórreo en Londres

Preguntástesvos algunha vez o alcance da morriña?

Os londoners galegos añoramos a nosa Galifornia, o monte e o mar, o pincho co café, botamos de menos o cocido ou unha boa caldeirada, a familia e os amigos. E o tecido da comunidade galega fai que poidamos replicar na cidade un chisquiño dos nosos costumes e cultura.

Pero sospeitastes algunha vez que puidésemos atopar un hórreo en Londres? Pois haino! Velaquí o construído polo carpinteiro Jesús Pena para o xardín de Antonio e Amalia Noya.

Esta semana que se cumpre un ano do pasamento do bo crego galego Ernesto Atanes queremos compartir esta anécdota, pois foi el quen argallou e bendeciu esta operación. Unha mostra máis do traballo de Ernesto tecendo comunidade.

Insuperable!

Siniestro Total 💙 Galego en Londres

Este martes 23 de maio houbo unha cita moi especial para os galegos (e para moitos non galegos) da cidade de Londres: o concertazo da banda viguesa Siniestro Total na sala O2 Academy de Islington. Alí puidemos corear clásicos como ‘Miña terra galega’, ‘Y bailaré sobre tu tumba’ o ‘¿Quiénes somos? ¿De dónde venimos? ¿A dónde vamos?’.

Pero é que ademais, a noite brindounos varios momentazos relacionados coa comunidade galega en Londres.

💙 O máis especial, o saúdo ao alumnado que estuda galego no IE Cañada Blanch 💙

E, durante o concerto, a chiscadela aos London Celtas, a peña celtista de Londres, que conseguiron que a  súa bufanda acabase no escenario. 

Galicia en Portobello Wall

O muro que hai enfronte da nosa escola, o Instituto Cañada Blanch, é unha fonte de inspiración para profesores, pais e alumnos cada mañá. E éo por mor do Portobello Wall Arts Project, promovido polo Borough de Kensington & Chelsea, que leva a que a arte contribúa á rexeneración e dignificación do espazo final de Portobello Road, unindo o … Ler máis…