Viaxe da lingua

Xa estamos de regreso da “Viaxe da Lingua”, que nos levou aos alumnos de galego do IE Cañada Blanch de Londres un ano máis ata Galicia. A semana foi completa, chea de actividades culturais e de lecer. Fixemos un cacho do camiño de Santiago con outros alumnos do CPI Camiño de Santiago de Arca, coñecemos os rapaces do obradoiro para o emprego da Fundación Paideia, visitamos a ría de Arousa, as dunas de Corrubedo e o castro de Baroña, vimos como funciona o órgano do Mosteiro de San Salvador de Celanova, onde nos recibiu o mesmísimo alcalde e nos guiou toda a mañá Paula Conde, da Fundación Curros Enríquez, paseamos baixo os arcos da praia das Catedrais e sobre a muralla de Lugo, e achegámonos ao poeta homenaxeado este ano polo Día das Letras Galegas visitando a Casa Museo Manuel María. Por non falarmos das festas da Ascensión, dos baños nas termas de Outariz, da cita co baloncesto no partido do Obradoiro -onde ata nos saudaron por megafonía- ou dos nosos propios partidos de fútbol e baloncesto no parque de Bonaval e nas canchas de La Salle.

Esta viaxe contou coa colaboración de varias institucións e empresas que están fondamente comprometidas co proxecto Galego en Londres, algunhas desde Galicia e outras desde a comunidade galega de Londres. Grazas de corazón polo seu apoio á Secretaría Xeral de Política Lingüística, á Secretaría Xeral de Emigración, á Fundación Paideia, a Gadis, á Galicia Laundry, ao Restaurante La Bodega e ao Restaurante Galicia de Portobello, e a Vojo. Sen vós esta viaxe non sería posible.

Deixámosvos co vídeo da nosa excursión.

E aquí a cobertura na prensa do noso periplo:

• El “Viaxe da Lingua”, el idioma para ir desde Londres a Galicia. El Ideal Gallego (07/05/2016).
• Alumnos de un instituto de Londres visitan la Casa dos Poetas y la villa de San Rosendo. La Voz de Galicia (07/05/2016).
• Alumnos del Instituto Cañada Blanch de Londres visitan la Fundación Curros Enríquez en Celanova. Galicia en el Mundo (07/05/16).
• Alumnos do Cañada Blanch de Londres visitan a Fundación Curros Enríquez. O Sil (07/05/2016).
• Encuentro con alumn@s del instituto Español Cañada Blanch (Londres). Fundación Paideia (05/0572016).
• Dieciocho alumnos de gallego de un instituto español en Londres visitan Galicia. La Región Exterior (05/05/2016).
• 18 alumnos de gallego del Instituto Español Cañada Blanch de Londres visitan Galicia del 3 al 8 de mayo. España Exterior (04/05/2016).
• La Xunta da la bienvenida a un grupo de alumnos de gallego del instituto londinense Vicente Cañada Blanch. Galicia en el Mundo (04/05/2016).
• A Xunta de Galicia dálle a benvida ao alumnado de galego do instituto londinense Vicente Cañada Blanch. Xunta de Galicia, Secretaría Xeral de Política Lingüística e Secretaría Xeral da Emigración (03/05/2016).