Portobello, porque me peta! A nosa homenaxe a Celso Emilio

De todos é coñecido que este ano se celebra o centenario do nacemento do poeta celanovés Celso Emilio Ferreiro. Dende Londres tamén quixemos renderlle homenaxe de varios xeitos (e aínda falta algún):
  • Lanzamos un proxecto colaborativo para todos os amigo@s do facebook para grabaren  vídeo-poemas del cunha aplicación gratuíta da rede. Inde estades a tempo. Se ides aquí é moi doado. Dádeslle a Respond e deixádevos levar pola creatividade.
  • E tamén quixemos facer unha curta que recollese unha especie de intervención poético-literaria no mercado do venres en Portobello. Despois de traballar na aula o famoso poema “Deitado fronte ao mar” o alumnado de 3ESO saíu a rúa para repartir uns trípticos co poema en galego e inglés e cuns datos mínimos sobre o poeta celanovés. E non só iso, conseguiron que o poema fose lido por ingleses/as da rúa tanto en galego coma en inglés. O resultado é unha fermosa e moi emotiva curta que lle debemos a outro londoner bo e xeneroso, Carlos Abeijón. E tamén o noso agradecemento á tropa de Dios ke te crew pola canción. E velaí vai ao mundo. Só agardamos que vos guste tanto como nos gustou a nós facelo.

11 comentarios en “Portobello, porque me peta! A nosa homenaxe a Celso Emilio”

  1. Chulísimo!

    Iso si é facer país!!

    Noraboa a tod@s incluído o profesor. Se ve que lle pon moita pasión.

    Por certo, por aí vin o apelido Carracedo, coma min.

    Co voso permiso vouno pasar na miña clase e compartilo cos departamentos de galego e inglés do meus instituto.

    Un saúdo,
    Carmen Carracedo.

    Responder
  2. Noraboa polo teu traballo… Da gusto ver a xente do outro lado das nosas fronteiras fisicas (que non emocionais) traballar atnto pola nosa lingua. Ogalla aqui houbera máis xente asi.
    Emocioname, eu son de Celanova! E para min Celso é o máis grande… E este poema IMPRESIONA
    De novo, moitas grazas

    Responder
  3. Noraboa polo traballo… Da gusto que a xente que está aló das fronteiras fisicas da Galiza (que non emocionais) siga a traballar pola nosa lingua. Ogalla aqui houbera máis xente asi. Eu son de Celanova (casa de Celso) e este ano estamos a facer numerosas actividades relacionadas con el, e xa lle mandei este traballo ao encargado da Casa dos Poetas…
    De novo, graciñas

    Responder
  4. Parabéns pola labor que facedes pola NOSA LINGUA. aquí se isto segue así teremos que facer o mesmo pero a inversa, preguntarlle os nosos se saben que era o galego. Grazas a todos os que trabballades sinceramente pola nosa lingua. Parabéns e un abrazo Xaime. O teu amigo e veciño Miro e Familia

    Responder

Deixa un comentario

*