Quen somos

Somos o grupo de alumnos de lingua e literatura galega do IE Vicente Cañada Blanch de Londres. Uns somos galegos nacidos en Galicia. Outros somos galegos nacidos en Londres. E outros queremos saber máis de Galicia. Somos de distintos niveis, dende Primaria ata Bacharelato. Algúns somos galegofalantes e outros habemos de selo.

As materias que se imparten dentro do currículo deste centro son Galego 1º ESO, Galego 2º ESO, Galego 3º ESO e Galego 4º ESO (a partir do curso 2016-2017). Ademais en Primaria hai galego como actividade extraescolar (1 hora á semana) para todos os cursos, acomodados en dous grupos.

Que vos queremos ofrecer? Información relativa á presenza da cultura galega en Londres, os distintos tipos de actividades que nós facemos dende o IE Cañada Blanch, as nosas lecturas, os nosos apuntamentos, etc.

Se queres, podedes nos axudar deixándonos os vosos comentarios, as vosas suxestións, etc. Tamén corrixíndonos a lingua que estamos aprendendo, achegando ideas interesantes que poidamos levar a cabo dende aquí ou aceptando ser padriño ou madriña lingüística de algún de nós.

Vídenos ver. Agardámosvos.

5 thoughts on “Quen somos

  1. Benqueridos mozos e mozas,

    Son o asesor técnico da Consellería de Educación de España no Reino Unido e Irlanda. Escríbovos para facervos saber que miro con interese e con ledicia o voso traballo. Dáme un chisco de envexa ver todas as propostas e actividades das que podedes gozar en Londres. ¡Que luxo, por exemplo, ter a Mercedes Peón con vos no Cañada! Iso si que é “The Voice” 😉

    En Irlanda a comunidade galego falante non é tan grande nin estamos tan ben organizados, pero por exemplo contamos co Centro de Estudos Galegos, na UCC, en Cork, https://www.ucc.ie/en/galician/. Tamén recentemente, e por iniciativa dunha nai que vive na costa oeste de Irlanda, se creou a páxina de Facebook Compaña, https://www.facebook.com/groups/459815287523262/, dirixida a familias galegofalantes en Irlanda.

    Anímovos a seguir co bo traballo. Seguireivos en Twitter.

    Unha aperta,

    Adolfo Carbón

  2. Se ben e certo que os galegos estamos por todo o globo, tamén estamos en Londres, e creo que este Blog fáino oficial.
    Un saudo dende o IES Manuel Murguía.

  3. Ola a Tod@∫!
    Son Mela do C.E.I.P Manuel Vidal Portela de Pontevedra. Encántame TODOOOO o que facedes. Formo parte da Embaixada Galega e-twinning ao igual que os meus compis Marcos e Cris do Proxecto Letras Galegas.
    Tamén fun “compi” de Xaime nos cursos de Didáctica para profesores de Español en Santiago de Compostela no que prof@s do Cañada tiveron que “sufrirme”.
    O meu alumnado de 6º de Primaria estaría encontradísimo de poder participar en actividades con vos.
    Xa sabres por onde andamos…
    Bicos

    • Claro, Mela. Temos que pensar nunha actividade conxunta e facela. Nós encantados de facer cousiñas convosco. Unha aperta forte para todos os nenos do CEIP Manuel Vidal Portela desde Portobello en Londres.

Leave a Comment

*