O pasado 21 de novembro, a profesora lucense Olga Núñez, da University of Westminster, visitounos con parte do seu alumnado do curso de Multilingüismo para coñecer de cerca o sistema educativo español e a aprendizaxe de galego no centro.
Tras unha breve presentación do sistema español e do proxecto Galego en Londres, o alumnado visitante puido realizar preguntas, presentar os seus proxectos e intercambiar opinións co alumnado de galego.
A visita finalizou cun recital conxunto dos poemas galegos de Lorca e co vídeo de Chove en Santiago de Luar na Lubre.
