Comezamos o ciclo de actividades para o curso 2011-2012 cun concerto didáctico. Nesta ocasión estaremos acompañados por Manuel Ada Castro. Este músico, natural de Ourense é un xoven músico-compositor que experimenta coa fusión de sons para gaita galega tanto tradicionais como contemporáneos e a adaptación dos diversos estilos musicais de diferentes lugares do mundo. Amais, é un apaixoado da percusión en xeral e exerce como baterista nun grupo de pop-rock. As súas experiencias e o seu modo de entneder a música aparecerá reflectido no seu primeiro traballo discográfico en solitario que se está a grabar con varios artistas do panorama galego e internacional no cal se mesturan melodias que van dende o flamenco e o funky pasando polo reggae, ska ata o tango, e todo isto con denominación de gaita galega. Daquela ímonos deixar sorprender mañá venres ás 15:30 no Salón de actos do Cañada Blanch. Agardámosvos
E aquí vos deixamos a Bach, nun só de gaita interpretado por Ada Castro no que foi unha tarde marabillosa de música
Quen me dera ir!!
Ola! Vouvos facer unha recomendación por se non o coñecedes: http://www.roicasal.com ten varios poemas musicados de Rosalía e de Manuel María. Toca a arpa que dá xenio e Silvia, a cantante, ten unha voz preciosa. Entrade na páxina e escoitade POR TI, despois contádeme. Un saúdo dende Sigrás (Cambre, A Coruña)