Mañá estará connosco a creadora multimedia María Yáñez para falarnos sobre o proxecto Amores prohibidos 2.0, que durante o pasado curso desenvolveu co IES A Cachada de Boiro. Entón puidemos seguir polas redes sociais os aconteceres de Romero e Xiana, un Romeo e unha Xulieta pero nun Boiro do 2012 co importante conflito lingüístico de fondo. Mañá teremos a oportunidade de saber de primeira man como se argallou toda esta interesantísima proposta escénica para as redes sociais.