Onte tivemos a oportunidade de aprendermos co conto miúdo, co microconto, da man de Xavier Frías Conde, un prolífico escritor na nosa lingua, mais tamén en moitas outras, como o portugués, o castelán, o inglés, o asturiano, o catalán, o italiano ou o sardo. En galego atreveuse cos distintos xéneros: poesía, narrativa e ensaio para adultos, literatura infantil e xuvenil… Como políglota que é, atreveuse tamén coa tradución.
Con el estivemos lendo microcontos, mais tamén facéndoos.
Xurdiron puntos de partida interesantes e algunhas microhistorias con toda a lóxica do mundo:
Eu dixen ola e ela dixo adeus – Serafín
Non deixedes de visitar a páxina de Xavier Frías para quedar abrumados co seu traballo. Ademais estes días está de parabéns, pois vén de conseguir o premio Frei M. Sarmiento de 2016 na segunda categoria pola obra Las aventuras de Enrico Müller.